సరసము విరసము కొరకే…….

సరసము విరసము కొరకే
పరిపూర్ణ సుఖంబు లధిక భాధల కొరకే
పెరుగుట విరుగుట కొరకే
ధర తగ్గుట హెచ్చు కొరకే తధ్యము సుమతీ

అడిగిన జీతంబియ్యని……

అడిగిన జీతం బియ్యని
మిడిమేలపు దొరను గొల్చి మిడుకుట కంటె
వడిగల యెద్దుల గట్టుక
మడి దున్నక బ్రతుకవచ్చు మహిలో సుమతీ

                                      సుమతి శతకము

యెప్పుడు సంపద ….

యెప్పుడు సంపద గలిగిన
నప్పుడు బందువులు వత్తు రది యెట్లన్నన్
దెప్పలుగ జెరువు నిండిన
గప్పలు పదివేలు చేరుగదరా సుమతీ

కనకపు సింహాసనమున….

కనకపు సింహాసనమున

 శునకమును గూర్చుండబెట్టి శుభ లగ్నమునన్

వొనరుగ పట్టము గట్టిన

వెనుకటి గుణమేల మాను వినరా సుమతీ //

తలనుండు …..

తలనుండు విషము ఫణికిని
వెలయంగా తోకనుందు వృశ్చికమునకున్
తల తోక యనకనుండును
ఖలునకు నిలువెల్ల విషముగదరా సుమతీ

తన కోపమే….

తన కోపమె తన శత్రువు
తన శాంతమె తనకు రక్ష, దయ చుట్టంబౌ
తన సంతోషమే స్వర్గము
తన దుఖ్ఖమే నరకమంద్రు, తధ్యము సుమతీ

ఉప్పుగప్పురంబు….

ఉప్పుగప్పురంబు న్రొక్కపోలికనుండు
చూడచూడ రుచుల జాడ వేరయా
పురుషులందు పుణ్య పురుషులు వేరయా
విశ్వదాభిరామ వినుర వేమ

నవ్వకుమీ సభలోపల …….

నవ్వకుమీ సభలోపల
నవ్వకుమీ తల్లితండ్రి నాధులతోడన్
నవ్వకుమీ పరసతులతో
నవ్వకుమీ విప్రవరుల నయమిది సుమతీ

కూరిమి గల …..

కూరిమి గల దినములలో
నేరములెన్నడును గలుగ నేరవు మరి యా
కూరిమి విరసంబైనను
నేరములే దోచుచుండు నిక్కము సుమతీ